संवर्ग - ३ बदली फॉर्म व माहिती ( Special-category-three-form-information )

खालील नमूद संवर्गाचे शिक्षक हे विशेष संवर्ग ३ चे शिक्षक म्हणून गणले जातात.

संवर्ग 3 बदल्यांचे अधिकार प्राप्त शिक्षक ➖

बदल्यांचे अधिकार प्राप्त शिक्षक म्हणजे ज्या शिक्षकांची अवघड क्षेत्रात बदलीसाठी निश्चित धरावयाची सेवा तीन वर्षे किंवा त्यापेक्षा जास्त झाले असेल असे शिक्षक

१. अवघड क्षेत्र : परिशिष्ट 1 मध्ये नमूद असणाऱ्या सात बाबींपैकी किमान तीन बाबींची / निकषांची पूर्तता होईल असे गाव / शाळा अवघड क्षेत्र म्हणून निश्चित करण्यात येईल.

परिशिष्ट - १ अवघड क्षेत्राचे निकष खालीलप्रमाणे आहेत ➖

नक्षलग्रस्त / पेसा गाव क्षेत्रात असणारे गाव
वार्षिक सरासरी पर्जन्यमान दोन हजार मिलिमीटर पेक्षा जास्त किंवा नैसर्गिक आपत्तीने सातत्याने संपर्क तुटणारे गाव ( महसूल विभागाकडील माहितीनुसार )
हिस्र वन्य प्राण्यांचा उपद्रव असणारा जंगलव्याप्त प्रदेश ( संबंधित उपवन संरक्षक यांच्या अहवालानुसार)
वाहतुकीच्या सुविधांचा अभाव असणारे गाव तसेच वाहतूक योग्य रस्त्यांचा अभाव / रस्त्याने न जोडलेल्या शाळा ( बस, रेल्वे इतर सार्वजनिक वाहतूक )
संवाद छायेचा प्रदेश ( communication shadow aarea ) ( संबंधित महाप्रबंधक BSNL यांच्या अहवालानुसार )
डोंगरी भाग प्रदेश ( नियोजन विभागाच्या शासन निर्णयानुसार )
राष्ट्रीय राज्य महामार्ग पासून दहा किमी पेक्षा जास्त दूर

महत्वाचे :-

वरील प्रमाणे जिल्हास्तरावर अवघड क्षेत्र ठरविण्यासाठी खालील प्रमाणे समिती गठीत करण्यात येत आहे. सदर समितीने दर तीन वर्षांनी ( मार्च महिन्यात ) पुनर्विलोकन करण्यात यावे.

मुख्य कार्यकारी अधिकारी - अध्यक्ष
उपजिल्हाधिकारी ( निवडणूक ) - सदस्य
कार्यकारी अभियंता जिल्हा परिषद बांधकाम विभाग - सदस्य
कार्यकारी अभियंता सार्वजनिक बांधकाम विभाग - सदस्य
विभाग नियंत्रक, महाराष्ट्र राज्य मार्ग परिवहन महामंडळ - सदस्य
शिक्षणाधिकारी ( प्राथमिक) - सदस्य सचिव

विशेष वर्ग शिक्षक भाग - ३ यांच्या बदल्या ➖

टप्पा क्रमांक 3 प्रमाणे कार्यवाही पूर्ण झाल्यानंतर सुधारित रिक्त जागांची यादी जाहीर करण्यात यावी व बदली अधिकार प्राप्त शिक्षकांना त्यांचा पसंतीक्रम भरण्यासाठी चार दिवसांचा अवधी देण्यात येईल. तद्नंतर बदली अधिकार प्राप्त शिक्षकांच्या बदल्या करण्यात येतील.

यासाठी ज्या बदली अधिकार प्राप्त शिक्षकांची तीन वर्षांची बदली करावयाचे निश्चित धरावयाची अवघड क्षेत्रातील सेवा पूर्ण झालेली असेल अशा शिक्षकांनी बदलीसाठी विवरणपत्र एक मध्ये अर्ज करणे आवश्यक आहे.
सदर कर्मचाऱ्यांच्या बदल्या त्यांच्याबद्दल यासाठी पात्र धरावयाचा सेवाज्येष्ठतेनुसार करण्यात येतील.
सेवाजेष्ठता समान असल्यास वयाने ज्येष्ठ असणाऱ्या कर्मचाऱ्यास बदली अनुज्ञेय राहील.
बदली अधिकार प्राप्त शिक्षकांच्या बदल्या बदलीपात्र शिक्षकांच्या जागेवर त्यांच्या विनंती तील प्राधान्यक्रमानुसार केल्या जातील.
बदली अधिकार प्राप्त शिक्षकांनी जर बदलीसाठी पसंतीक्रम दिला नाही आणि जर हे शिक्षक बदली पात्र नसतील तर त्यांची बदली होणार नाही.